İngilissayağı qarət

London cinayətkarları on milyon dollar məbləğində böyük bir qarət planlaşdırırlar. Lakin bu təhlükəli plan iki rəfiqənin — aktrisa Frensis və tibb bacısı Şennonun təsadüfən hər şeydən xəbər tutması ilə pozulur. Qızlar soyğunçuların hazırladığı cinayətdən agah olduqdan sonra bu vəziyyətdən pay götürmək qərarına gəlirlər.

Cinayət aləmini yalnız filmlərdən tanıyan qızlar soyğunçuları şantaj etməyə başlayırlar. Cinayətkarlar bu təcrübəsiz qadınlardan asanlıqla yaxa qurtaracaqlarını düşünsələr də, rəfiqələrin inadkarlığı ilə qarşılaşırlar. İki qadınla quldurlar arasındakı mübarizə gözlənilməz qarşıdurmalara və xaosa səbəb olur.

«İngilissayağı qarət» (High Heels and Low Lifes) filmi 2001-ci ildə rejissor Mel Smit tərəfindən çəkilib. ABŞ və Böyük Britaniyanın birgə istehsalı olan bu cinayət komediyasında baş rolları Minni Drayver, Emi Matison, Denni Dayer və Patrik Baladi canlandırıblar.