Pis şirkət

Məxfi tapşırığın icrası zamanı Mərkəzi Kəşfiyyat İdarəsinin təcrübəli əməkdaşı həyatını itirir. Agentlik xüsusi əməliyyatı yarımçıq qoymamaq üçün çıxış yolunu həlak olmuş casusun əkiz qardaşını tapmaqda görür. Lakin Harvard məzunu olan peşəkar kəşfiyyatçının yerinə adi küçə fırıldaqçısı gətirilir və onun casusluqdan zərrə qədər də xəbəri yoxdur.

İdarə rəhbərliyi vəziyyəti xilas etmək naminə bu təcrübəsiz yeni işçiyə ən bacarıqlı agentlərindən birini nəzarətçi təyin edir. Tamamilə fərqli xarakterə malik bu cütlük əməliyyatın iflasa uğramaması üçün birlikdə çalışmalı və çətin missiyanı başa vurmalıdır.

2001-ci ildə ekranlara çıxan «Pis şirkət» (Bad Company) filminin rejissoru Coel Şumaxerdir. ABŞ və Çexiya birgə istehsalı olan bu komediya döyüş filmində baş rolları Kris Rok, Adoni Maropis, Yan Nemeyovski və Devid Fişer canlandırıb.