Ninja-qatil

Reyzo uşaqlıqdan bəri mövcudluğu əfsanə sayılan gizli «Ozunu» klanında böyüyüb. Təşkilatın üzvləri onu ən təhlükəli muzdlu döyüşçülərdən birinə çeviriblər. Lakin klanın öz dostunu amansızcasına qətlə yetirməsi Reyzonun daxili rahatlığını pozur və o, təşkilatdan qaçmaq qərarına gəlir.

Gizli qruplaşmalar isə öz üzvlərini heç vaxt asanlıqla buraxmır. Xəyanəti bağışlamayan köhnə müttəfiqləri qaçqının izinə düşürlər. Azadlığa çıxmaq istəyən Reyzo keçmiş tərbiyəçiləri və döyüş yoldaşları ilə üz-üzə qalaraq onlara qarşı mübarizə aparmaq məcburiyyətində qalır.

«Ninja Assassin» filminin rejissoru Ceyms Maktikdir. 2009-cu ildə ABŞ, Almaniya və Fransa tərəfindən istehsal olunmuş bu trillerdə əsas rolları Reyn, Şo Kosuqi, Birol Tarkan Yıldız və Torston Manderlay canlandırıb.