Cəzalandırıcı

Qızının qətli xüsusi xidmət agenti Migelin həyatını tamamilə alt-üst edir. Ədalətsizliklə barışa bilməyən qəhrəman ölkədəki rüşvətxor və korrupsiyalaşmış siyasətçilərə qarşı təkbaşına mübarizəyə başlayır. Onun qəzəbi birbaşa prezident seçkilərinin ən qaynar çağında hakimiyyətin yüksək dairələrinə yönəlir.

Özünü təhlükəli bir prosesin içində tapan Migel hadisələrin onun üçün hansı nəticələr doğuracağını tam təxmin etmir. Lakin «O Doutrinador» filminin qəhrəmanı həyatını riskə atmaq bahasına olsa belə, başladığı bu yoldan geri çəkilmək fikrində deyil.

Braziliya istehsalı olan bu döyüş və triller filmi 2018-ci ildə işıq üzü görüb. Ekran əsərinin quruluşçu rejissorları Fabio Mendoniça və Qustavo Bonafedir. Əsas rolları isə Rodriqo dos Santos, Rikardo Dantas, Lüsi Ramos və Eduardo Şaqas canlandırıb.