Cəhənnəmdə yuxusuzlar

ABŞ Müdafiə Nazirliyi «Qum adamı» kod adlı məxfi tədqiqat layihəsinə başlayır. Hərbçilərin yuxuya getmədən döyüş meydanında xidmət etməsini təmin edəcək xüsusi preparat hazırlanır. Sınaqlar qızmar səhrada yerləşən təcrid olunmuş hərbi bazada aparılır və əsgərlər simulyasiya edilən döyüş şəraitində fasiləsiz məşqlərə cəlb olunur.

Növbəti qoloqrafik təlimlərin birində hərbçilərdən biri qəfildən özünə qəsd edir. Hadisəni adi intihar kimi bağlamaq mümkün olmur, çünki eksperimentin digər iştirakçıları da qorxulu qarabasmalar görməyə başlayırlar. Təcrübə gözlənilməz fəsadlar törədir.

«Operation Sandman» fantastik döyüş filmi rejissor Nelson Makkormik tərəfindən ekranlaşdırılıb. ABŞ və Meksika istehsalı olan layihə 2000-ci ildə nümayiş etdirilib. Əsas rollarda Maykl Vulson, Melik Malkasian, Mario İvan Martines və Rod Birmann çəkiliblər.