Paparassi

Gənc və tanınmış kino ulduzu Bo Larami şöhrətin çətin tərəfləri ilə üz-üzə qalır. Dörd nəfərdən ibarət inadkar paparassi qrupu sensasiyalı kadrlar əldə etmək üçün onu addım-addım izləməyə başlayır. Davamlı təqib getdikcə dözülməz həddə çatır.

Bu qarşıdurma pik nöqtəsinə çatanda fotoqrafların hərəkətləri ucbatından Bonun ailəsi ağır yol qəzasına düşür. Baş verənlərdən qəzəblənən aktyor yaxınlarının intiqamını almaq qərarına gəlir. O, həyatını alt-üst edən jurnalistlərlə təkbaşına haqq-hesab çəkməyə başlayır.

ABŞ istehsalı olan «Paparazzi» filmi 2004-cü ildə işıq üzü görüb. Ekran əsərinin rejissoru Pol Abaskaldır, baş rolları isə Koul Hauzer, Robin Tanni və Dennis Farina canlandırıb.