Təhlükəli biznes

Əczaçılıq şirkətində menecer işləyən Harold Soyinka rəhbəri Riçardın ona sadiq dost olduğuna inanır. Əslində isə şirkət rəhbərliyi işçiləri xəbərdar etmədən biznesi satıb hər kəsi işsiz qoymağı düşünür. Zavoddakı məsələləri qaydasına salmaq üçün Meksikaya edilən birgə səfər zamanı Harold bu planların üstünü açır.

Aldadıldığını anlayan qəhrəman vəziyyətdən çıxış yolu axtarır və özünün saxta oğurlanmasını təşkil edir. O, rəhbərlikdən guya azad edilməsi qarşılığında beş milyon dollar tələb edir. Lakin Harold dostunun pulu xilas etməyi insan həyatından üstün tutacağını heç cür təxmin edə bilmir.

«Gringo» filmi 2018-ci ildə rejissor Neş Edqerton tərəfindən çəkilib. ABŞ, Meksika və Avstraliya istehsalı olan bu cinayət komediyasında rolları Bəşir Salahuddin, Alan Rak, Ektor Kotsifakis və Metyu V. Allen canlandırıb.