Qanqsterlər

Silahlı soyğun qanlı qətliamla nəticələnir: hadisə yerində yeddi meyit qalır və cinayətkarlar on milyon dollar dəyərində qiymətli daş-qaş aparırlar. Xüsusi polis bölməsi şübhəliləri dindirməyə başlayaraq cinayətin izinə düşməyə çalışır.

Lakin istintaq qrupunda olan iki polis əməkdaşının gizli niyyətləri var. Onlar baş verənlər haqqında digər həmkarlarından qat-qat çox məlumata sahibdirlər. Həmin zabitlər oğurlanmış sərvəti öz əllərinə keçirmək istəyirlər, bunun üçün isə ilk növbədə gizlədilmiş qənimətin yerini tapmaq lazımdır.

«Qanqsterlər» filmi 2002-ci ildə Fransa və Belçika tərəfindən birgə çəkilib. Ekran əsərinin rejissoru Olivye Marşaldır. Əsas rolları Rişar Ankonina, Fransis Reno, Mişel Skorno və Rişar Dyo canlandırıblar.