Meri Syu hamıya qarşı

Atasının vəfatından sonra Meri Syunun anası senatorluq kreslosunu qorumağa çalışan siyasətçi Bredli Uiner ilə ailə qurur. Lakin qızın həyat tərzi ögey atasının siyasi karyerası üçün ciddi maneəyə çevrilir. Qadağan olunmuş maddələr, videooyunlar və əyləncə məclisləri ilə vaxt keçirən qızın qalmaqalları tez-tez mətbuatın gündəmini zəbt edir.

Seçkilərdə məğlub olmaqdan qorxan Bredli qərargah rəhbəri Ueslə məsləhətləşərək radikal addım atır. Onlar səsverməyə qədər qızdan yaxa qurtarmaq üçün muzdlu qatil tuturlar. Lakin hadisələr gözlənilməz məcraya yönəlir və gənc qız ona göndərilən killeri təsadüfən öldürür.

ABŞ istehsalı olan «Meri Syu hamıya qarşı» (Killing Mary Sue) filminin rejissoru Ceyms Sanşayndır. Ekran əsərində əsas rolları Deyv Lindsi, İzabel Qonzales, Kaylessa Vilson və Robert Li canlandırıblar.