Əfsanəvi qatil

Uzaq bir adadakı kiçik polis məntəqəsində çalışan Holli insanların təbiətən xeyirxah olduğuna və yalnız düzgün addımlar ata biləcəyinə ürəkdən inanır. Dənizdə qopan fırtına səbəbindən adada ilişib qalan Bryus adlı qərib onun bu inamını sınağa çəkir. Yadelli şəxs qaçmış üç təhlükəli cinayətkarın zərərsizləşdirilməsində qıza kömək edərək yerli polislərin rəğbətini qazanır.

Lakin məntəqədəki sevincli ab-hava adaya rəhbərlərinin başını kəsən qatili axtaran quldur dəstəsinin gəlişi ilə pozulur. Çox keçmədən polislər kəsilmiş cəsədi tapırlar və bu hadisə ilə eyni vaxtda Bryus yoxa çıxır. Əsas şübhəliyə çevrilən qəribin izinə həm qanun keşikçiləri, həm də mafiya düşür, cinayətkarlar isə həmin əfsanəvi qatili tələyə salmaq məqsədilə Hollini təhlükə qarşısında qoyurlar.

«Əfsanəvi qatil» adlı bu döyüş və triller filmi Çin və Honq Konq kinematoqrafçılarının birgə əməyi ilə 2008-ci ildə çəkilib. Ekran əsərinin quruluşçu rejissorları Ceki U və Çunq Çi Lidir. Əsas obrazları Aleks Li, Todd Eric Valcourt, Kara Xuey və Va Çunq canlandırıblar.