Cangüdənlər və qatillər

1905-ci ildə inqilabçı Sun Yatsen Tzin sülaləsini devirmək planlarını müzakirə etmək üçün Honq Konqa getməyə hazırlaşır. O, burada Tunmenxoy təşkilatındakı tərəfdaşları ilə görüşməlidir. Bu xəbəri alan hakimiyyətdəki dul imperatriça Tsısi lideri aradan qaldırmaq məqsədilə Yan Syaoqo başçılığı altında qatillər dəstəsini yola salır.

Sun Venin müdafiəsinə isə yerli iş adamı Li Yutan qalxır. O, siyasətçini qorumaq üçün şəhərin sadə sakinlərini — rikşaları, küçə tacirlərini və avaraları bir araya gətirir. İnqilabçının sağ-salamat görüş keçirib şəhəri tərk etməsi üçün Li Yutanın oğlu Li Çunquan təhlükəni üzərinə götürərək onun oxşarı rolunu oynamağa razılaşır.

«Cangüdənlər və qatillər» filmi tarixi döyüş və dram janrında rejissor Teddi Çan tərəfindən çəkilib. 2009-cu ildə Çin və Honq Konqun birgə istehsalı ilə ərsəyə gələn ekran işində Toni Lün Ka-Fay, Ceki Çun, Con Şam və Van Ventsze əsas rolları canlandırıb.