Dördüncü faza

«The Fourth Phase» idman sənədli filmi tamaşaçıları planetin ən ucqar nöqtələrinə aparır. Trevis və onun snoubordçu dostları okean suları və əbədi qarla əhatə olunmuş vəhşi yamaclarla qarşı-qarşıya gəlir.

İdmançılar toxunulmamış təbiətin ortasında mürəkkəb fəndlər nümayiş etdirirlər. Hər bir çətin maneəni aşmaq üçün komanda üzvlərindən güclü iradə, dözümlülük və yüksək dərəcədə həmrəylik tələb olunur.

2016-cı ildə təqdim edilən filmin rejissoru Con Klaçkeviçdir. ABŞ, Yaponiya, Avstriya, Rusiya və Fransız Polineziyasında lentə alınan layihədə Mikkel Banq, Şin Biyacima, Ben Ferqyuson və Kem Fitsbatrik kimi idmançılar yer alıb.