Qisas oyunları

Bokuşi adlı nüfuzlu rəhbər ətrafına sadiq müharibə veteranlarını toplayaraq silahla dolu möhkəm bir qala qurur. Dövlət orqanları bu təşkilata daxil olmaq və onun gizli planlarını anlamaq istəsələr də, bütün cəhdlər uğursuzluqla nəticələnir. Belə vəziyyətdə xüsusi xidmət orqanları yeni bir çıxış yolu axtarmalı olur.

Hökumət nəhayət vaxtilə Bokuşinin tələbəsi olmuş keçmiş xüsusi təyinatlı Neş Kavanonu bu işə cəlb edir. «Qisas oyunları» («Tin Soldier») filmində baş qəhrəman üçün bu təklif təkcə dövlət tapşırığı deyil, həm də şəxsi intiqam imkanıdır. Çünki keçmiş müəllimi vaxtilə onun həyatındakı hər şeyi, o cümlədən sevdiyi qadını əlindən almışdı.

Triller janrında çəkilən filmin rejissoru Bred Furmandır. ABŞ və Böyük Britaniyanın birgə istehsalı olan bu ekran işi 2024-cü ildə təqdim edilib və baş rollardan birini Skott İstvud canlandırıb.