Amerikan boy

Nikolay Naydenov uşaq evində böyüyüb və Əfqanıstanda əsirlikdə olub. Ağır sınaqlardan sonra o, ABŞ-a köçərək idman klubunda təlimçi kimi işə düzəlir, ailə qurur və yerli vətəndaşlıq qazanır. Əvvəlki həyatını arxada qoyan Nikolay keçmiş vətəninə qayıdıb əsgərlik yoldaşı Sergeyə baş çəkmək qərarına gəlir.

Lakin burada onu kədərli xəbər qarşılayır: dostunun həyat yoldaşı Sergeyin yerli mafiya rəhbərlərinin sifarişi ilə öldürüldüyünü bildirir. Ertəsi gün cinayətkarlar Sergeyin hamilə xanımına işgəncə verərək onu da qətlə yetirirlər.

1992-ci il istehsalı olan «Amerikan boy» filminin rejissoru Boris Kvaşnyovdur. Ukrayna istehsalı olan bu döyüş və kriminal dramında Vladimir Qostyuxin, İrina Kovalyova, Viktor Vityuk və Aleksandr Rokşak çəkiliblər.