Toxunulmaz hədəf

İnkassator zirehli maşınının qarət edilməsi yaxınlıqdakı mağazada nişan üzüyü seçən günahsız bir gəncin ölümü ilə nəticələnir. Sevgilisini itirən Honkonq polisi bu ağır dərdi unuda bilmir və həmin gündən etibarən ən təhlükəli əməliyyatlara belə çəkinmədən qoşulur.

Nəhayət, onun komandası nişanlısının ölümünə bais olan həmin cinayətkar dəstənin izinə düşür. Qatilləri ələ keçirmək üçün hər cür fədakarlığa hazır olan qəhrəmanın yanında onunla eyni məqsədi paylaşan daha iki nəfər dayanır.

«Nam yee boon sik» («Toxunulmaz hədəf») filmi rejissor Benni Çan tərəfindən lentə alınıb. 2007-ci ildə Çin və Honkonq tərəfindən istehsal olunmuş döyüş trillerində Kenni Von, Liza Lu, Tam Çun Ho və Kay Kit Li kimi aktyorlar çəkiliblər.