Günəşin göz yaşları

Xüsusi təyinatlı dəstə çətin tapşırıqla Nigeriyanın sıx cəngəlliklərinə göndərilir. Hərbçilərin əsas vəzifəsi əsir düşmüş qadın həkimi tapıb oradan təhlükəsiz yerə çıxarmaqdan ibarətdir. Döyüşçülər uzaq bir kənddə həkimi tapsalar da, əməliyyatın gedişatı qəfil dəyişir.

Həkim təkbaşına getməkdən qəti şəkildə imtina edir. O, yalnız yetmiş nəfər yerli qaçqın da onunla birlikdə təxliyə olunacağı halda kəndi tərk edəcəyini bildirir. Nəticədə dəstə planı dəyişməli və onlarla insanın həyatını xilas etmək üçün böyük məsuliyyəti üzərinə götürməli olur.

«Tears of the Sun» adlı hərbi dram filmi 2003-cü ildə ABŞ-da istehsal olunub. Rejissor Antuan Fukuanın çəkdiyi ekran əsərində baş rolları Brüs Uillis, Koul Hauzer, Harri Van Qorkum və Piter Mensa canlandırıb.