Valdo

Keçmiş polis əməkdaşı Çarli Valdo xidməti zamanı baş verən böyük qalmaqaldan sonra hər şeyi geridə qoyub. O, səs-küylü şəhərdən uzaqlaşaraq meşədə tənhalıq içində yaşamağa başlayıb.

Lakin onun sakit günləri gözlənilmədən pozulur. Qəribə davranışları ilə tanınan məşhur şəxsin həyat yoldaşının qətli ilə bağlı araşdırma aparan xüsusi xəfiyyə kömək üçün Valdoya müraciət edir. Beləliklə, «Valdo» (Last Looks) filminin qəhrəmanı yenidən mürəkkəb cinayət işinin içinə qayıtmalı olur.

ABŞ istehsalı olan bu komediya elementli detektiv ekran əsərini rejissor Tim Kirkbi 2021-ci ildə lentə alıb. Əsas rollarda Robert Çayld, Syuhila El-Attar, Şon Linç və Ceykob Skipio çəkiliblər.