Paipeurain

Bahalı brendləri, qırmızı idman avtomobilini və lüks saatları sevən Qan Se-dol kriminal dairələrdə peşəkar qazmaçı kimi tanınır. O, yerin altından keçən boruları gizlicə deşərək neft oğurlayan qruplaşmalar üçün çalışır və yüksək zəhməthaqqı tələb edir. Bu təhlükəli işdə kiçik bir səhv belə böyük partlayışa səbəb ola bilər.

Böyük bir şirkət sahibinin oğlu nəhəng fırıldaq planlaşdıraraq Se-dola müraciət edir və eyni anda iki neft kəmərini deşməyi təklif edir. Hədəfə çatmaq üçün komanda qısa müddət ərzində uzun yeraltı tunel qazmalıdır. Nəhəng qonorar qarşılığında yeni heyətlə qazıntıya başlayan ustanın planları ilk andan etibarən gözlənilməz problemlərlə üzləşir.

2021-ci il istehsalı olan «Paipeurain» filminin rejissoru Yu Hadır. Cənubi Koreya kriminal komediyasında əsas rolları Kim Qon, Con Hyon-ho, O Mun-qan və Kim De-qyon canlandırıb.