Firepower

Gələcəyin Amerikasında cinayətkarlar, asılılığı olanlar və qanundankənar şəxslər üçün xüsusi sərbəst zona formalaşdırılır. Polisin nəzarətindən kənar olan bu ərazi cinayətkar aləm üçün sığınacaq rolunu oynayır. Çox keçmir ki, qanunsuzlar şəhərə basqınlar edib cinayətlər törətdikdən sonra yenidən toxunulmaz ərazilərinə qayıtmağa başlayırlar.

Cinayətkar dəstə Qılıncoynadan ləqəbli başçılarını xilas etmək məqsədilə polis məntəqəsinə hücum çəkir. Hadisə zamanı asayiş keşikçiləri həlak olur. Həmkarlarının intiqamını almağa qərar verən polislər Sledc və Brenif cinayətkarların arxasınca onların məskəninə yollanırlar.

«Firepower» adlı bu fantastik döyüş filmi 1993-cü ildə rejissor Riçard Pepin tərəfindən ABŞ-da çəkilib. Ekran əsərində Alişa Das, Vanessa Hempton, Kimberli Huper və Rey Manzon rol alıblar.