Qladiator II

General Mark Akasinin başçılıq etdiyi Roma ordusu Şimali Afrikanın son azad ərazisi olan Numidiyanı işğal edir. Döyüş zamanı oxatan həyat yoldaşını itirən döyüşçü Hanno əsir düşür. Qul kimi satılmaq ərəfəsində olan Hannodakı dözümlülük və güc qladiator döyüşlərinin təşkilatçısı Makrinin diqqətini çəkir və o, bu döyüşçünü pulla alır.

Beləliklə, Hanno romalı sərkərdədən qisas almaq arzusu ilə qladiatora çevrilir. Makrin ona söz verir ki, əgər o, Kolizey arenasında qəzəblə və təsirli şəkildə vuruşsa, qaniçən düşməni ilə üz-üzə gəlmək fürsəti əldə edəcək. İndi intiqam yolu birbaşa amansız döyüş meydanından keçir.

«Qladiator II» tarixi dramının rejissoru Ridli Skottdur. ABŞ və Böyük Britaniyanın birgə istehsalı olan bu film 2024-cü ildə nümayiş olunub. Əsas rolları Denzel Vaşinqton, Derek Cekobi, Spenser Trit Klark və Anton Saliba canlandırıb.