Qisas mələyi

Təqaüdə çıxan keçmiş polis komissarı uzun illər rüşvətxor xəfiyyələri himayə etdiyinə görə peşmanlıq duyur. Şəhəri cinayətkarlıqdan təmizləmək istəyən keçmiş zabit qeyri-insani yola əl atır və azyaşlı uşağı qaçıraraq onun anasını təhdid edir.

Övladını xilas etməyə çalışan ana qanunsuz dəstələrə qarşı amansız mübarizəyə qoşulmaq məcburiyyətində qalır. O, şəhərin təhlükəli cinayətkar qrupları ilə qarşı-qarşıya gəldikcə təkcə quldurlara deyil, həm də onu şantaj edən şəxsə qarşı qəzəbini yönəldir. "Vanquish" filmi bir ananın amansız mübarizəsini əks etdirir.

ABŞ istehsalı olan bu döyüş və triller janrlı ekran işi 2021-ci ildə rejissor Corc Qallo tərəfindən çəkilib. Əsas rollarda Nik Vallelonqa, Eli Bardha, Bill Lakett və Pol Sempson yer alır.