Wyrmwood: Apocalypse

Keçmiş hərbçi Riz zombilərlə dolu Avstraliya çöllərində özünə ayrıca bir həyat qurub. O, təsərrüfatı ilə məşğul olur, əsir tutduğu ölülərdən enerji mənbəyi kimi faydalanır və vaxtaşırı ova çıxır. Riz fəlakətdən sağ çıxan insanları toplayaraq təcrübələr aparan hərbi cərraha təhvil verir, əvəzində isə gündəlik ehtiyacı olan həbləri alır.

Günlərin birində o, dişlənmiş, lakin tam zombiyə çevrilməmiş Qreys adlı gənc qadını yaxalayaraq laboratoriyaya aparır. Çox keçmədən Qreysin bacısı Rizi tapır və güc tətbiq edərək onu qızın xilasına kömək etməyə məcbur edir.

«Wyrmwood: Apocalypse» filmi 2021-ci ildə Avstraliyada rejissor Kiya Rouç-Törner tərəfindən çəkilib. Ekşn və qorxu janrında olan bu ekran işində əsas rolları Bo Breydi, Tane Palise, Qoran D’Klyue və Aleks Cüison canlandırır.