Qatilin oyunu

Avropanın ən bacarıqlı muzdlu qatillərindən biri olan Co, Budapeştdə növbəti tapşırıq zamanı Meyzi adlı rəqqasəni xilas edir və onlar arasında sevgi münasibəti yaranır. Qəfil səhhəti pisləşən qatil tibbi müayinədən keçir və həkimlərdən sağalmaz xəstəliyə tutulduğunu öyrənir. Cəmi bir neçə ay ömrü qaldığını zənn edən Co əzab çəkməmək üçün böyük mükafat təyin edərək öz ölümünü digər qatillərə sifariş verir.

Çox keçmədən xəstəxanada analizlərin səhv salındığı və ölümcül diaqnozun yalan olduğu üzə çıxır. Lakin verilən sifarişi geri götürmək artıq mümkün deyil və keçmiş həmkarları Conun arxasınca düşürlər. Canını qurtarmaq istəyən baş qəhrəman indi peşəkar qatillərin təqibindən qorunmağa məcbur qalır.

2024-cü ildə ekranlara çıxan «The Killer's Game» filminin rejissoru C.C. Perridir. ABŞ, İspaniya, Böyük Britaniya və Macarıstanın birgə istehsalı olan bu döyüş komediyasında rolları Mia Rouba M.Kiss, Odett Elza Négyesi, Alina Ayvazyan və Dmitri Kalaçov ifa edirlər.