Gələcəyin döyüşçüləri

2055-ci ildə qlobal istiləşmə və ətraf mühitin çirklənməsi Yer kürəsini çıxılmaz vəziyyətə salır. Havanı təmizləmək üçün nəhəng Skynet sistemi qurulsa da, Honkonqa düşən meteorit vəziyyəti tamamilə dəyişir. Kosmik daş vasitəsilə şəhərə Pandora adlı aqressiv bitki yayılır; o, su ilə təmasda sürətlə böyüyüb ətrafı dağıdır, lakin eyni zamanda atmosferi zəhərli qazlardan təmizləyir.

Mütəxəssislər Pandoranın genini dəyişdirərək onu insanlar üçün zərərsiz hala gətirməyin yolunu tapırlar. Müasir texnologiyalarla təchiz olunmuş hərbçilər yağış başlamazdan əvvəl xüsusi kapsulu bitkinin mərkəzinə çatdırmalıdırlar. Lakin təyinat nöqtəsinə çatanda vertolyotlardan birində baş verən təxribat bütün planı təhlükəyə atır.

«Warriors of Future» elmi-fantastik döyüş filmi 2022-ci ildə Honkonqda istehsal olunub. Rejissor Nq Yuen-Fayın çəkdiyi layihədə əsas rolları Chi Pan Ng, Hedi Guoxuan He, Tsz-Ho Ng və Yuet Yin So canlandırır.