Mega Lightning

Dostların şən əyləncəsi qəfildən başlayan güclü fırtına səbəbindən yarımçıq qalır. Göy gurultusu və çaxan şimşəklər qonaqları qorxuya salır. Onlar təbiət hadisəsindən gizlənmək üçün yaxınlıqdakı bir evə sığınmağa qərar verirlər.

İçəri daxil olan insanlar ilk əvvəl təhlükəsiz yerdə olduqlarını zənn edirlər. Lakin tezliklə aydın olur ki, daldalandıqları bu dörd divar arasında onları çöldəki tufandan daha böyük qorxu gözləyir. Beləliklə, sığınacaq axtarışı yeni bir sınağa çevrilir.

2022-ci il istehsalı olan «Mega Lightning» filmi Böyük Britaniyada çəkilib. Dəhşət və elmi-fantastika janrlarındakı layihənin rejissoru Devid Qreqoridir, əsas rolları isə Markus Messi, Karl Hyuz, Cillian Broderik və Riçard Kovaç canlandırıb.