Boy Kills World

Şəhər üzərində nəzarəti ələ keçirmiş Van Der Koy klanı hər il rejim əleyhdarlarını camaatın gözü qarşısında cəzalandırır. Növbəti qətliam zamanı ailəsini itirən balaca oğlan ağır zərbələrdən sonra eşitmə və danışma qabiliyyətindən məhrum olur. O, cəngəlliyə qaçaraq Şaman ləqəbli tərki-dünya bir usta ilə qarşılaşır. Qoca döyüşçü illər boyu yetimə döyüş sənətlərini öyrədir və onun yeganə məqsədi klanın rəhbəri Hildanı məhv etmək olur.

Artıq güclü və təcrübəli bir döyüşçüyə çevrilən gənc intiqam planını həyata keçirməyə hazırlaşır. Lakin şəhərdə dinc sakinlərin yenidən amansızcasına öldürüldüyünü görəndə özünü saxlaya bilmir və düşmənlə üz-üzə gəlir. Beləliklə, o, təkbaşına zalım sülalənin saysız-hesabsız cangüdənlərinə qarşı mübarizəyə başlayır.

«Boy Kills World» komediya elementləri olan döyüş filmidir və rejissoru Morits Mordur. 2023-cü ildə ABŞ, Almaniya və CAR kinematoqrafçılarının birgə istehsalı ilə çəkilən layihədə Mişel Dokeri, Şarlto Kopli, Codi Abrahams və Bleyk Ayzeks kimi aktyorlar yer alıb.