Gemini Man

Təcrübəli hökumət snayperi Henri Broqan uzun illər xidmət etdiyi gizli təşkilatdakı fəaliyyətini dayandırıb təqaüdə çıxmaq qərarına gəlir. Mürəkkəb tapşırıqları uzaq məsafədən dəqiqliklə yerinə yetirən qatil son hədəfinin terrorçu deyil, innovativ tədqiqatlarla məşğul olan bioloq olduğunu öyrənir.

Bu sirrin üstü açıldıqdan sonra keçmiş rəhbərləri Henrinin özünü aradan götürmək qərarı verir. İndi onun arxasınca ən azı özü qədər bacarıqlı və sirli bir xüsusi təyinatlı düşüb. Təcrübəli döyüşçü bir vaxtlar xidmət etdiyi sistemin hədəfinə çevrilərək gizlənmək və mübarizə aparmaq məcburiyyətində qalır.

2019-cu ildə çəkilən «Gemini Man» elmi-fantastik döyüş filminin rejissoru Enq Lidir. ABŞ və Çin istehsalı olan layihədə Cozef Buşemi, Fernanda Doroqi, Tim Konnolli və Devid Moretti kimi aktyorlar rol alıb.