Cənnətə xoş gəlmisiniz

Gələcəkdə varlı insanlar üçün xüsusi bir istirahət məkanı yaradılıb. Bura tamamilə süni insanlarla, yəni androidlərlə məskunlaşıb və ziyarətçilər yüksək məbləğ qarşılığında istənilən qadağan olunmuş istəklərini reallaşdırırlar. İnsanların qəddarlığına məruz qalan robotların yaddaşı hər gün silinərək bərpa edilir.

Lakin növbəti yenilənmə zamanı texniki nasazlıq yaranır. Qadın android varlı müştərilərin ona və digər robotlara etdiyi bütün zülmləri xatırlamağa başlayır. Hər şeyi anlayan süni qadın intiqam almaq qərarına gəlir.

ABŞ istehsalı olan «Vice» elmi-fantastik döyüş filmi 2014-cü ildə rejissor Brayan A. Miller tərəfindən çəkilib. Ekran əsərində Bryus Uillis, Rayan O'Nan, Deymon Lipari və Qvenni Tam kimi aktyorlar çıxış edib.