Kalaharidə sağ qalmaq

Gənc cütlük silahlı dəstənin təhlükəsi səbəbindən Kalahari səhrasındakı humanitar missiyasını təcili dayandırmaq qərarına gəlir. Düşərgədən qaçmaq istəyən gənclərə kömək etməyə qaçaqmalçı təyyarəçi razılıq verir və onları göyərtəyə götürür.

Lakin uçuş uğursuzluqla nəticələnir və təyyarə vəhşi təbiət qoruğunun ortasında qəzaya uğrayır. Çətin vəziyyətdə qalan sərnişinlər təkcə arxalarınca düşən silahlı insanlarla deyil, həm də ətrafdakı kaftarlar, bəbirlər və aslanlarla üz-üzə gəlirlər.

ABŞ istehsalı olan «Kalaharidə sağ qalmaq» (Prey) döyüş trilleri 2024-cü ildə rejissor Mukunda Maykl Dyuil tərəfindən lentə alınıb. Filmin əsas rollarını Mena Suvari, Qodvin Obenq, Matondo Kiantandu və Mohamed Hakimşadi canlandırır.