Sərkərdələr

XIX əsrdə daxili çaxnaşmalar fonunda ordusunu itirən bir ordu başçısı iki quldur dəstəsi rəhbəri ilə birləşir. Qardaşlıq andı içən bu üç döyüşçü vətəndaş müharibəsini dayandırmaq və ölkəni dinc həyata qovuşdurmaq niyyəti ilə yola çıxır.

Sülhə doğru aparan bu yol qanlı qarşıdurmalardan və ağır qərarlardan keçir. Yüz minlərlə insanın həyatını qorumaq xatirinə bir neçə min nəfəri qurban vermək məcburiyyəti yaranır. Üç sərkərdə müharibənin əsl mahiyyətini anlamağa çalışır: bu mübarizə vətəni qorumaq üçündür, yoxsa sadəcə qarət və varlanmaq bəhanəsidir.

«Tau ming chong» filmi Çin və Honkonq kinematoqrafçılarının 2007-ci il birgə istehsalıdır. Ekran əsərinin quruluşçu rejissorları Piter Çan və Reymond İpdir, əsas rolları isə Cet Li, Qo Syaodun, Çen Lyan və Hao Ley canlandırıb.