Göyqurşağı döyüşçüləri: Sedik bale

«Göyqurşağı döyüşçüləri: Sedik bale» tarixi filmi 1930-cu ilin payızında Tayvanda baş vermiş Vuşe hadisələrindən bəhs edir. Otuz il boyunca sedik adlı yerli dağ xalqı yapon işğalçılarının təzyiqləri altında yaşamağa məcbur qalmışdı. Yerlilərin inancı və adət-ənənələri tapdalanır, kişilər ağır zəhmət müqabilində az qazanc əldə edir, ovçuluq qadağan olunurdu. Qadınlar isə ənənəvi toxuculuqdan məhrum edilərək yapon polislərinin ailələrinə xidmətçilik edirdilər.

Mehebu kəndindəki toy mərasimində baş verən gözlənilməz münaqişə gərginliyi son həddə çatdırır. Qəbilə başçısının böyük oğlu Toda Mona keşik çəkən yapon polisinə şərab təklif etsə də, məmur onun qanlı əlindən iyrənərək bu jesti rədd edir və dava düşür. Başçı Mona Rudo məsələni yatırtmaq üçün polis məntəqəsinə üzrxahlığa getsə də, qarşı tərəf bunu qəbul etmir. Belə təhqirə dözməyən Mona Rudo qəbilənin gənclərini toplayaraq işğalçılara qarşı müqavimət hərəkatına başlayır.

2011-ci ildə ekranlara çıxan bu döyüş dramını rejissor Vey Teşen lentə alıb. Tayvan istehsalı olan filmin əsas rollarında Tie Tanaka, Chih-Hsiang Ma, Chun Tin və Din Fudzioka çıxış edirlər.