Şəhər üzərində qorxu

Parisdə erotik filmlərə və jurnallara çəkilən qadınlara gecələr zənglər gəlməyə başlayır. Naməlum cinayətkar özünü Dantenin «İlahi komediya»sındakı Minos adlandıraraq qurbanlarını əxlaqsızlıqda günahlandırır. Çox keçmədən o, hədələrini gerçəkləşdirir və qadınları bir-bir aradan qaldırmağa başlayır.

Komissar Letelye əvvəlcə öz köhnə qatı düşməninin axtarışı ilə məşğul olur. Lakin silsilə cinayətlər onu planlarını dəyişib yeni qatilin izinə düşməyə məcbur edir. Təcrübəli polis amansız caninin arxasınca düşərkən əslində onunla artıq bir neçə dəfə üz-üzə gəldiyindən xəbərsizdir.

1975-ci ildə çəkilmiş «Peur sur la ville» filmi Fransa və İtaliyanın birgə istehsalıdır. Bu döyüş və triller ekran işinin quruluşçu rejissoru Anri Verneydir, əsas rolları isə Moris Ozel, Anri-Jak Yue, Anri Canik və Andre Valardi paylaşıb.