Yanacaqdoldurma məntəqəsinə hücum 2

Motosiklet sürən gənc xuliqanların ardıcıl basqınlarından təngə gələn yanacaqdoldurma məntəqəsinin sahibi obyektini qorumaq qərarına gəlir. O, təhlükəsizlik üçün dörd nəfəri işə götürür: təpiklə sərrast zərbələr vuran keçmiş futbolçu, sakit xasiyyətli güclü yumruq sahibi, cüssəli güləşçi və bərk alınlı, dili dinc durmayan kompüter oyunları həvəskarı.

Lakin xəsis müdir yeni işçilərinə zəhməthaqqı verməkdən boyun qaçırır. Əməkhaqlarını ala bilməyən dörd nəfər öz aralarında razılaşaraq rəhbərlərindən qisas almağı və kassanı soymağı planlaşdırır.

2010-cu il istehsalı olan «Juyuso seubgyuksageun 2» kriminal döyüş komediyasının rejissoru Kim San-jindir. Baş rolları Ji Hyun-woo, Cho Han-sun, Moon Won-joo və Jung Jae-hoon canlandırıblar.