Tokunbo

Övladı dünyaya gəldikdən sonra qanunsuz maşın alverindən uzaqlaşan Tokunbo adi taksi sürücüsü kimi işləməyə başlayır. Təxminən il yarım keçir və onun körpəsi ağır xəstələnir. Bahalı müalicə üçün təcili vəsait axtaran ata keçmiş cinayətkar rəhbərinə müraciət etsə də, borc pul ala bilmir.

Çıxılmaz vəziyyətdə qalan sürücü avtomobilində zəng çalan naməlum telefonu qaldırır və böyük məbləğ qarşılığında kuryerlik təklifini qəbul edir. Təhvil alacağı yükün arxasınca gedən Tokunbo Nigeriya Mərkəzi Bankının rəhbərinin qaçırılmış qızı ilə qarşılaşır. Quldurlar ona qızı təhvil vermək üçün üç saat vaxt tanıyır, əks halda sürücünün doğmalarını öldürməklə hədələyirlər.

2024-cü ildə çəkilən «Tokunbo» filmi cinayət və dram janrındadır. Ekran əsərinin rejissoru Remzi Nuadır, baş rolları isə Sandey Aaron, Adunni Ade, Tosin Adeyemi və Tunbosun Ayedehin canlandırıb.