Raja Jani

On iki il əvvəl knyazlıq ailəsinə edilən qanlı hücum nəticəsində balaca varisin valideynləri qətlə yetirilir. Hadisə zamanı cəmi yeddi yaşı olan şahzadə qız dağ çayının coşqun sularına düşərək gözdən itir, onu qaçırmaq istəyən düşmən isə mühafizəçilər tərəfindən yaralanır. İllər keçsə də, qoca nənə sevimli nəvəsinin sağ qalması ümidindən əl çəkmir.

Knyazlıq xəzinəsini ələ keçirmək istəyən baş nazir yaşlı qadının bu inamından öz xeyrinə yararlanmaq qərarına gəlir. O, itmiş varisə heyrətamiz dərəcədə bənzəyən küçə rəqqasəsini tapır. Həmin qızı saraya əsl şahzadə kimi təqdim edib məqsədinə çatmaq üçün hiyləgər bir plan hazırlayır.

1972-ci ildə Hindistanda çəkilmiş «Raja Jani» bədii filminin quruluşçu rejissoru Mohan Seqaldır. Triller, döyüş və melodram janrlarını birləşdirən filmin əsas rollarında Hema Malini, Prem Çopra, Helen və Kamaldip çəkiliblər.