Atanın vəsiyyəti ilə

«Ever Victorious» döyüş filmi Qədim Çinin Vuruşan padşahlıqlar dövründə cərəyan edir. Gənc döyüşçü Qay Dunli sərhəddə yerləşən doğma Yao kəndinə qayıdanda kənd sakinlərinin vəhşicəsinə öldürüldüyünü görür. Həlak olanlar arasında onun atası, məşhur qılınc ustası Qay Ne də var. İtkiləri dəfn edən gənc silahını götürərək yaxınlarının qisasını almağa qərar verir.

Axtarışlar zamanı qəhrəman öyrənir ki, bu qırğında nüfuzlu general Yuy Unun əli var. Tezliklə aydın olur ki, dinc kəndə edilən hücumun arxasında böyük siyasi intriqalar və gizli sui-qəsd dayanır.

Ekran əsərinin rejissoru Qeri Makdır. 2023-cü il istehsalı olan bu Çin filmində baş rolları Lü Sıbo, Kolin Çou, Uays Li və Endi On canlandırıblar.