Baar Baar Dekho

Uşaqlıqdan bəri bir-birini sevən Cay və Diya nəhayət evlənmək qərarına gəlirlər. Lakin toy ərəfəsində istedadlı riyaziyyatçı olan Cay ailə qurmağın onun parlaq elmi karyerasına mane olacağından qorxaraq tərəddüd etməyə başlayır. Kədərdən möhkəm içən gənc huşunu itirir və gözlərini açanda artıq evləndiyini, aradan isə iki il keçdiyini görür.

Hadisələr daha qəribə istiqamət alır: növbəti səhər Cay daha səkkiz il irəli düşdüyünü anlayır, bir gün sonra isə həyatından daha on altı il silinir. Bu sürətlə sabahkı günün onun üçün heç vaxt gəlməyəcəyini başa düşən qəhrəman zamanı geriyə qaytarmaq üçün yollar axtarır.

«Baar Baar Dekho» adlı fantastik Hindistan filmi 2016-cı ildə rejissor Nitya Mehra tərəfindən çəkilib. Ekran əsərində baş rolları Sidhart Malxotra, Katrina Kaif, Sayani Qupta və Kirti Adakar canlandırıblar.