Son atəş

Xüsusi xidmət orqanları ilə əlaqəsi olan bir şantajçının qətli ilk baxışdan adi cinayət işi təsiri bağışlayır və əsas şübhə çağırışla işləyən bir qadının üzərinə düşür. Eyni zamanda ölkədə yüksək rütbəli hərbçilərin müəmmalı ölümləri baş verir. Komissar Solmi bu sıravi görünən qətlin izinə düşərkən hadisələrin arxasında daha böyük qüvvələrin dayandığını anlayır.

Zabitlərin məhvinin arxasında dövlət çevrilişi cəhdinin dayandığı üzə çıxır, çünki bu planda hakimiyyət, hərbçilər, sənayeçilər və cinayətkar qruplar bir-biri ilə birləşib. Belə məsələlərin araşdırılması polisin deyil, xüsusi xidmət orqanlarının səlahiyyətində olsa da, Solmi təkbaşına həqiqəti üzə çıxarmağa çalışır. Lakin kəşfiyyat və məhkəmə sistemi onun fəaliyyətini dayandırmaq üçün hər cür maneə yaradır.

İtaliya istehsalı olan «Son atəş» (La polizia accusa: il servizio segreto uccide) filmi 1975-ci ildə rejissor Serco Martino tərəfindən çəkilib. Baş rollarda Tomas Milian, Lyuk Merenda, Mel Ferrer və Deliya Bokkardo çəkiliblər.