Virupaksha

Hadisələr XX əsrin 1990-cı illərində cərəyan edir. Surya adlı gənc uzun illər doğma kəndindən uzaqda yaşadıqdan sonra anası ilə birlikdə geri dönür. Lakin onların gəlişi yerli sakinlərin həyatını alt-üst edən qorxulu hadisələrlə üst-üstə düşür.

Kənddə cadugərliklə əlaqələndirilən sirli və qəfil ölümlər silsiləsi başlayır. Əhali arasında böyük təşviş yaranır. Sakinləri qorumaq və bu faciələrə son qoymaq istəyən Surya baş verənlərin arxasında duran əsl günahkarı tapmaq qərarına gəlir.

Hindistan istehsalı olan «Virupaksha» triller filmi 2023-cü ildə nümayiş olunub. Ekran əsərinin rejissoru Karthik Varma Dandudur. Baş rolları Sai Dharam Tej, Samyuktha Menon, Sunil və Rajiv Kanakala canlandırıblar.