Veera Simha Reddy

İstanbulda yaşayan Cay Simha Reddi burada avtosalon idarə edir və anası Minakşi ilə birlikdə qalır. Günlərin birində İşa adlı qızla tanış olan gənc tezliklə onunla evlənmək qərarına gəlir. Nişan ərəfəsində anası Caya uzun illərdir ayrı düşdüyü atası ilə bağlı həqiqətləri danışır.

Onun atası Hindistanın Rayalasima bölgəsində yaşayan, kəndlilərin böyük hörmət bəslədiyi, lakin düşmənləri ilə qanlı qarşıdurma içində olan nüfuzlu rəhbər Vira Simha Reddidır. Oğlunun varlığından və toy hazırlığından xəbər tutan ata görüş üçün İstanbula yola düşür. Lakin keçmiş düşmənlər də intiqam almaq məqsədilə onun izinə düşərək ardınca gəlirlər.

2023-cü il istehsalı olan «Veera Simha Reddy» filmi döyüş və dram janrındadır. Ekran əsərinin rejissoru Qopiçand Malinenidir, əsas rolları isə Nandamuri Balakrişna, Şruti Hasan, Arcun və Honi Rouz canlandırıblar.