Michael

Hadisələr 1980-ci illərin sonunda və 1990-cı illərin əvvəllərində cərəyan edir. Bombeyə gələn gənc Maykl yerli kriminal dairələrin nüfuzlu rəhbəri Qurunatxın yanında işləməyə başlayır. Qısa müddətdə ağasının rəğbətini qazanan baş qəhrəman dəstə daxilində sürətlə yüksəlir və ən etibarlı adamlardan birinə çevrilir.

Boss ona qarşı sui-qəsd təşkil edən şəxsi aradan qaldırmağı Maykla tapşırır. Tapşırığı yerinə yetirmək üçün Dehliyə yollanan gənc hədəfinin qızı Tira ilə tanış olur və ona aşiq olur. Hisslərinə təslim olan Maykl əmri icra etməkdən imtina edir və bununla da keçmiş rəhbərinin qəzəbinə tuş gələrək təhlükə ilə üz-üzə qalır.

«Michael» filmi 2023-cü ildə Hindistanda istehsal olunub. Döyüş və triller janrında çəkilən ekran əsərinin rejissoru Ranjit Jeyakodidir. Əsas obrazları Sundeep Kishan, Vijay Sethupathi, Divyansha Kaushik və Varalaxmi Sarathkumar canlandırıblar.