Point Break

ABŞ-nin keçmiş prezidentlərinin maskalarını taxan naməlum dəstə günün günorta çağı cəsarətli bank qarətləri törədir. Cinayətkarlar olduqca sürətli və peşəkar davrandıqları üçün hüquq-mühafizə orqanları onların izinə düşə bilmir. Şübhələr yerli sörf həvəskarlarının üzərinə yönəlir.

İşi araşdırmaq üçün FTB akademiyasının gənc məzunu Conni Yuta sörfçülər mühitinə gizli şəkildə daxil olur. Təhqiqat aparan gənc agent bu insanların həyat tərzini yaxından öyrəndikcə vəziyyət daha da qəlizləşir. O, cinayətkarları ifşa etmək üçün bu qapalı dairənin bir hissəsinə çevrilməlidir.

1991-ci ildə ekranlara çıxan «Point Break» filminin rejissoru Ketrin Biqeloudur. ABŞ və Yaponiya istehsalı olan bu kriminal döyüş trillerində baş rolları Kianu Rivz, Patrik Sueyzi, Qeri Byuzi və Lori Petti canlandırıb.