Ekvilibrium

Bəşəriyyət müharibələrin qarşısını almaq üçün bütün hisslərdən imtina etmək məcburiyyətində qalıb. Kitablar, musiqi və təsviri sənət qadağan edilib, hər hansı duyğu nümayiş etdirmək isə ölümlə cəzalandırılan cinayət sayılır. Əhalinin emosiyalardan uzaq qalması üçün hər kəsə mütəmadi olaraq xüsusi "Prozium" preparatını qəbul etmək məcburiyyəti qoyulub.

"Ekvilibrium" filmi qadağaları pozanları təqib edən xüsusi hökumət agenti Con Prestonun hekayəsindən bəhs edir. Növbəti dərman dozasını vaxtında qəbul etməyi unudan Preston qəflətən daxili dəyişiklik yaşayır və hissləri yenidən oyanır. Bu gözlənilməz hal onu yalnız xidmət etdiyi sərt rejimlə deyil, həm də öz keçmişi ilə qarşı-qarşıya qoyur.

2002-ci ildə ABŞ-da çəkilmiş bu fantastik dram və döyüş filminin rejissoru Kurt Uimmerdir. Ekran əsərinin baş rollarında Kristian Beyl, Tey Diqqz, Enqus Makfadyen və Şon Bin çəkiliblər.