Superyanğın

Təbiətdə bəzən yaranma səbəbləri tam aydınlaşdırılmamış qeyri-adi və nəhəng fəlakətlər baş verir. Nüvə partlayışına bərabər enerji toplayan superyanğın da məhz bu cür təhlükəli hadisələrdəndir. Belə alov sütunu və tüstü beş kilometr hündürlüyə qalxır, havadakı oksigeni sürətlə sorur və hektarlarla meşə sahəsini sadəcə yandırmır, saniyələr içində partladaraq məhv edir.

«Superyanğın» filmi bu dağıdıcı qüvvənin insan məskənlərinə yaratdığı təhlükədən bəhs edir. 1996-cı ildə ABŞ ərazisində baş qaldırmış belə bir alov dalğası ən yaxın yaşayış massivinin cəmi səkkiz milinə qədər irəliləmişdi.

2002-ci ildə ekranlara çıxan döyüş və triller janrındakı filmin rejissoru Stiven Kueyldir. ABŞ, Kanada, Almaniya və Yeni Zelandiyanın birgə istehsalı olan layihədə əsas rolları D.B. Suini, Dayan Farr, Çed Donella və Ellen Muf canlandırıblar.