Ölümcül silah 2

Detektivlər Martin Riqqs və Rocer Mörto Cənubi Afrikadan olan şəxslərin rəhbərlik etdiyi böyük narkotik şəbəkəsinin izinə düşürlər. Polis cinayətkarların qanunsuz gəlirlərini leqallaşdıran fırıldaqçını ələ keçirir və o, əsas şahidə çevrilir.

Martin və Rocerə bu vacib adamı qorumaq tapşırılır. Lakin mafiya başçıları diplomatik toxunulmazlıqdan istifadə etdikləri üçün hüquq-mühafizə orqanları onları cəzalandırmaqda ciddi çətinliklərlə üzləşir.

1989-cu il ABŞ istehsalı olan «Lethal Weapon 2» filminin rejissoru Riçard Donnerdir. Ekran əsərində baş rolları Mel Qibson, Denni Qlover, Co Peşi və Coss Eklend canlandırıblar. Bu layihə məşhur franşizanın ikinci hissəsidir.