Pakka Commercial

Prinsipial hakim Suryanarayana bir zamanlar böyük nüfuza malik iş adamının şər atdığı günahsız insanı qoruya bilmir. Bu ədalətsizliyin ağırlığına dözməyərək vəzifəsindən istefa verir. O, Laki ləqəbli oğlu Ramaçandranın gələcəkdə dürüst hüquqşünas olacağına və onun buraxdığı səhvləri düzəldəcəyinə ümid bəsləyir.

Lakin böyüyən oğul tamam fərqli yol seçir. O, ədalətə deyil, yalnız qazancına önəm verən tamahkar bir vəkilə çevrilir və pul naminə hər cür varlı cinayətkara bəraət qazandırmağa çalışır. Bir gün Laki vaxtilə atasının peşəsindən getməsinə səbəb olmuş həmin vicdansız maqnatın müdafiəsini öz üzərinə götürür və ata ilə oğul üz-üzə gəlir.

2022-ci il istehsalı olan «Pakka Commercial» Hindistan komediya və döyüş filmidir. Rejissoru Maruthi Dasari olan bu kinolentdə əsas rolları Tottempudi Qopiçand, Raşi Khanna və Sathyaraç canlandırıblar.