Liqr

Ailə başçısını itirən Saşvat Aqarval anası Balamani ilə birgə yeni bir başlanğıc üçün Mumbaya köçür. Liqr ləqəbli bu gənc çayxana açmaq istəyərkən yerli quldur Malleşin tələbləri ilə üzləşir. Çıxan davada Liqr bütün dəstəni təkbaşına məğlub edir və bu hadisədən sonra Malleş onunla dostluq etməyə qərar verir.

Oğlunu qarışıq döyüş növləri üzrə çempion görmək istəyən ana onu Kristofer adlı məşqçinin yanına gətirir. Məşqçi Saşvatın 2004-cü ildə onu məğlub etmiş qəhrəmanın oğlu olduğunu öyrənəndə ona təmənnasız dərs verməyə razılaşır. Lakin bir şərt qoyulur: gənc idmançı diqqətini yalnız rinqə yönəltməli və qadınlardan uzaq durmalıdır.

2022-ci ildə çəkilən «Liqr» filminin rejissoru Puri Caqannatxdır. Hindistan istehsalı olan bu idman dramında baş rolları Vicay Deverakonda, Ramya Krişna, Ananya Pandey və Mayk Tayson canlandırıblar.