Vaxtı bitmiş

Gələcəyin texnoloji şəhərində qatil Cek yalnızlıq içində yaşayır, qanlı sifarişləri yerinə yetirir və asudə vaxtını robotların əhatəsində keçirir. Lakin karaoke klubunda çalışan geyşa Eypril ilə tanışlıq onun nizamlı günlərini alt-üst edir. Cek qəlbində ilk dəfə məhəbbət hissini duysa da, yaranan biokimyəvi dəyişikliklər onun bədənini məhv etməyə başlayır.

Fiziki cəhətdən zəifləyən muzdlu kömək üçün doktor Berqmana üz tutur. Tənha həyat sürən bu alim uzunömürlülük və həyatın uzadılması yollarını araşdırır. Cekin orqanizmindəki nasazlığın səbəbini aşkar etmək üçün həkim onun keçmişini dərindən araşdırmalı olur.

«Loveland» fantastik filmi 2022-ci ildə Avstraliyada rejissor İvan Sen tərəfindən çəkilib. Əsas rolları Rayan Kvanten, Devid Fild, Maykl Çan və Frank Matur canlandırıblar.