Annaatthe

Tamilnad kəndinin başçısı Kalaiyan təhsilini bitirib evə qayıdan bacısı Minatçini sevinclə qarşılayır. Doğma kəndində bacısının gəlişini təntənə ilə qeyd edən qardaş onun üçün münasib bir namizədlə toy planlaşdırır. Lakin gənc qız başqa birini sevir və böyük qardaşının iradəsinə qarşı çıxaraq sevdiyi şəxslə Kəlkətəyə qaçıb orada evlənir.

Yad şəhərdə qurulan ailə həyatı Minatçi üçün heç də asan keçmir. Bacısının çətin vəziyyətə düşdüyünü öyrənən Kalaiyan dərhal onun ardınca yola düşür. O, özünü büruzə vermədən kənardan bacısını izləməyə və onu gizlicə təhlükələrdən qorumağa başlayır.

2021-ci il istehsalı olan «Annaatthe» filminin rejissoru C. Siva Kumardır. Döyüş, dram və komediya janrlarını birləşdirən Hindistan layihəsində əsas rolları Racinikant, Kirti Sureş, Nayantara və Khuşbu canlandırıb.