Quru köpəkbalığı

Cəngəlliyin dərinliklərində yerləşən gizli laboratoriyada xərçəng əleyhinə yeni dərman hazırlanır. Mütəxəssislər köpəkbalığı genini dəyişdirərək tibbi vasitə əldə etməyə çalışırlar. Tədqiqatlar demək olar ki, tamamlanır və vasitənin kütləvi istehsalına başlamaq planlaşdırılır.

Təcrübə obyekti olan köpəkbalığının mutasiyaya uğraması ilə hadisələrin gedişatı qəfil dəyişir. İdarəetmədən çıxan yırtıcı canlı laboratoriya heyəti üçün ciddi təhlükə yaradır. Təhlükəli varlıq ətrafdakı hər kəs üçün amansız bir təhdidə çevrilir.

«Quru köpəkbalığı» (Land Shark) qorxu və döyüş filmi 2020-ci ildə Çində istehsal olunub. Ekran əsərinin quruluşçu rejissoru Çen Sıyüdür. Baş rolları Luo Liqun, Xi Mei-Li və Tang Xin canlandırıblar.